Actualitats
Puigdemont canta Take me home pel cap d’an
“Contunharem deman lo viatge, un malaisit camin devèrs la libertat e de retorn dins nòstra tèrra aimada”, çò ditz lo president catalan en exili
Lo president catalan en exili, e ara eurodeputat, Carles Puigdemont a partejat sus Instagram un vidèo ont tòca la guitarra e canta un fragment de la cançon Take me home, country roads de John Denver. Lo vidèo es acompanhat d’un messatge escrich que ditz qu’espèra de metre lo ponch final a l’exili e poder tornar un jorn en Catalonha: “Acabam l’an sus un caireforc. Contunharem deman lo viatge, un malaisit camin devèrs la libertat e de retorn dins nòstra tèrra aimada. Uèi, totun, es una petita parentèsi de calma e rescontre, d’agachar endarrièr per mesurar los passes faches, e de nos desirar, de vos desirar, un an nòu de santat, libertat e Republica”.
Lèu se gandirà en Catalonha Nòrd
De son caire, lo Conselh per la Republica, a anonciat que se tendriá lèu una manifestacion a Perpinhan en preséncia del president exiliat per “celebrar totes los trionfes judiciaris e politics que l’independéncia catalana a realizats aquestes tempses”. Beneficiant de l’immunitat parlamentària coma deputat europèu, Puigdemont se poirà gandir almens en Catalonha Nòrd.
Lèu se gandirà en Catalonha Nòrd
De son caire, lo Conselh per la Republica, a anonciat que se tendriá lèu una manifestacion a Perpinhan en preséncia del president exiliat per “celebrar totes los trionfes judiciaris e politics que l’independéncia catalana a realizats aquestes tempses”. Beneficiant de l’immunitat parlamentària coma deputat europèu, Puigdemont se poirà gandir almens en Catalonha Nòrd.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per lo que fa, estarà molts d'ans atal a Waterloo tocant la guitarra, Europa ajuda los drets que tenen los presos politics, però la independencia ja es una altra causa. Espera que lo cel s'obriga e aparescan los angelets e lo porten al tribunal supren qu' el convencerà per far lo referendum. Es un somia truitas e Torra l'escolanet.
Amic Puigdemont, es que sias plan segur que l'immunitat parlamentaria de diputat europenc te protegis tanben en França jacobina, ipercentralizaira e ferotjament anti-catalanista ? Garda-te plan, qu'aquelas putas de Macron, Castaner e Philippe se farian un plaser dels grands de te livrar pes e punhs ligats a Madrid. A l'encop per conviccion ideologica jacobina, per solidaritat d'un estat sobeiran a un autre estat sobeiran, per faire un cop d'esclat a pauc de fraisses, per donar un avertiment potent als autres indepententistas europencs e per faire diversion de las actualas protèstas anti-Macron. Mèfi de pas t'escampar dins la gola del lop, amic, que lo poder parisenc es capable de tot, subretot aquel !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari